Allir notendur hafa samþykkt þessa notkunarskilmála.

1. Þegar talað er um Makaleit.is er átt við stjórnendur vefsins.
2. Makaleit.is er stefnumótavefur fyrir fólk sem er alvara með að finna sér lífsförunaut og því er ekki leyfilegt að nota vefinn til að auglýsa eftir skyndikynnum. Notendur staðfesta við skráningu að þeir séu ekki í föstu sambandi.
3. Allar myndir eru yfirfarnar af Makaleit.is áður en þær birtast og áskilur Makaleit.is sér rétt að ekki birta myndir. Andlitsmynd verður að sýna skýrt andlit notanda. Mynd verður að vera af notandanum sem sendir hana inn og má ekki sýna annað fólk. Nektarmyndir eru með öllu bannaðar.
4. Orð sem auðveldlega særa blygðunarkennd fólks eru með öllu bönnuð.
5. Það kostar ekkert að skrá sig og nota vefinn. Til að geta lesið og sent skilaboð þarf áskrift, sjá verðskrá. Ekki er hægt að fá endurgreiðslu ef lokað er á notanda vegna brots á skilmálum.
6. Einstaklingar undir 18 ára aldri er óheimill aðgangur að vefnum, enda þarf notandi að staðfesta að hann sé eldri en 18 ára við skráningu.
7. Ekki er leyfilegt að villa á sér heimildir með því að gefa upp annað kyn eða aldur við skráningu.
8. Allir textar um notendur eru yfirfarnar af Makaleit.is áður en þeir birtast og áskilur Makaleit.is sér rétt að ekki birta texta. Ekki er leyfilegt að gefa upp símanúmer, netfang eða heimilisfang í upplýsingartexta um notanda. Þessar upplýsingar má senda í einkaskilaboðum.
9. Notendum ber að sýna hvor öðrum virðingu og tillitssemi í öllum samskiptum. Notandi er persónulega ábyrgur fyrir því efni sem hann birtir á Makaleit.is og þeim skilaboðum sem hann sendir. Makaleit.is ber ekki ábyrgð á orðum eða athöfnum notenda.
10. Makaleit.is skuldbindur sig til að skoða ekki samskipti milli notenda nema grunur sé um misnotkun.
11. Ef notandi sendir einhverjum eitthvað (t.d. vinabeiðni) þá sér móttakandi andlitsmynd, aldur og stað sendanda. Ef notandi sendir vinabeiðni hefur móttakandi 30 daga til að svara og getur séð síðu sendanda á þeim tíma.
12. Kaup og sala á þjónustu sem íslensk löggjöf bannar er ekki leyfileg á vefnum. Ef upp koma lögreglumál í tengslum við misnotkun vefsins áskilur Makaleit.is sér fullan rétt til að afhenda lögreglu öll þau gögn sem óskað er eftir, þar á meðal ip-tölu notenda sem er vistuð við hverja heimsókn. Að öðru leyti mun Makaleit.is ekki undir neinum kringumstæðum afhenda þriðja aðila notendaupplýsingar.
13. Makaleit.is mun tafarlaust loka á notendur sem verða uppvísir að því að brjóta þessa skilmála. Áskriftargreiðslur fást ekki endurgreiddar við slíka lokun.
14. Makaleit.is áskilur sér rétt til að breyta þessum skilmálum án fyrirvara.
15. Skilmálar þessir gilda frá 1. janúar 2013.